Mkama 'Mwenyekiti Mpya wa bodi ya TSN'

Rais Jakaya Mrisho Kikwete amemteua Bwana. Wilson Mkama kuwa Mwenyekiti Mpya wa Bodi ya Wakurugenzi Kampuni ya Magazeti ya serikali TSN.

Uteuzi ambao unaanza Februari 26 mwaka huu.

TSN ni wachapaji wa magazeti ya daily News, Sunday News, HabariLEO na HabariLEO Jumapili.

Mkama kabla ya kustaafu kwake alikuwa ni Katibu Mkuu wa Wizara ya Maji na Umwagiliaji.

Kabla ya kwenda Maji Mkama alikuwa Katibu Mkuu Wizara ya Afya na Ustawi wa Jamii.

Pia aliwahi kushika nyadhifa mbalimbali ikiwapo ya kuwa Mkurugenzi wa jiji la Dar es Salaam.

Kufuatia uteuzi huo Waziri wa Habari,Utamaduni na Michezo, George Mkuchika amewateua wafuatao kuwa wajumbe wa bodi hiyo.

1.Bi Hajjat Hawa Manga ambaye ni Mkurugenzi Mkuu wa Mfuko wa Pensheni wa watumishi wa Umma (PSPF).

2.Bwana.Kalua Simba, Mchumi wa kujitegemea kutoka sekta binafsi.

3.Clement Mshana , Mkurugenzi wa Idara ya Habari (MAELEZO).

4.Bwana.Charles Rajabu, Afisa Habari Mkuu Daraja la kwanza,Wizara ya Habari Utamaduni na Michezo.