Picha za Ajali ya Air Tanzania Mwanza

WATU zaidi ya 40 wamenusurika leo asubuhi baada ya ndege aina ya Boeing 737 ya ATCL ikitokea Dar es Salaam kupata ajali wakati ikitua katika Uwanja wa Ndege wa Mwanza.

Habari zaidi zinasema ndege hiyo wakati ikitua iliacha njia na kusababisha tairi za mbele kung’oka kabla ya kusimama nje ya barabara yake ya kawaida.

Kwa mujibu wa habari hizo hakuna madhara yaliyopatikana na kwamba wafanyakazi na abiria wa ndege hiyo wako salama na walishaondolewa katika eneo la tukio.

Hata hivyo kutokana na ajali hiyo, uwanja wa Ndege wa Mwanza umefungwa kwa muda huku ukifanyika utaratibu wa kusogeza ndege hiyo. Picha zote na Michuzi Blog